Restaurants

ကျွန်တော်ဒီနေ့စားသောက်ဆိုင်လုပ်ငန်းအကြောင်းကိုလုပ်သင့်တယ်ထင်တဲ့အချက်၊ရင်ဆိုင်လာရမဲ့အချက်ဆိုပြီးနှစ်မျိုးခွဲခြားပြီးဆွေးနွေးတင်ပြပေးချင်ပါတယ်။

.............လုပ်သင့်တယ်ထင်တဲ့အချက်...............

စားသောက်ဆိုင်လုပ်ငန်းဟာ တကယ့်ကို ကြီးမားတဲ့ စီးပွားရေးစျေးကွက် ဖြစ်ပါတယ်။ လူတွေဟာ ပစ္စည်းအသစ်တစ်ခုကိုမဝယ်ပဲ ခြွေတာနိုင်ပေမယ်အစားအစာနဲ့ပတ်သက်လာရင်တော့ခြွေတာဖို့စဥ်းစားမိတဲ့ရာခိုင်နူန်းကနည်းပါတယ်။ဗိုက်ပြည့်မှအလုပ်လုပ်နိင်မှာမို့ အစားကိုသုံးချိန်အနည်းဆုံးမမေ့မလျော့စားပြီးဗိုက်ဖြည့်တင်းပေးရပါတယ်။ကျွန်တော်ကိုယ်တိုင်လည်းဗိုက်ဆာရင်အလုပ်မလုပ်နိင်ပါဘူး။လက်တုန်လာတယ်၊စိတ်တိုလာတယ် အဲ့လိုလက္ခဏာတွေပေါ်လာရင်တော့အနီးဆုံးစားလို့ရတဲ့ဆိုင်ကိုပြေးဝင်မိတတ်ပါတယ်။အစားကလူနဲ့တည့်ပါတယ်။ ဒါကြောင့် စားဖွယ်ရာ အသစ်တွေဟာ နေ့စဉ်ပေါ်ထွက်နေကြပါတယ်။ ဆိုင်သစ်တွေရဲ့ ဆိုင်းဘုတ်အသစ်တွေ လဲ နေ့တိုင်းလိုလို တွေ့နေရပါတယ်။ ဒီလုပ်ငန်းဟာ လုပ်တတ်ရင် ကုန်ကျစရိတ် ခြွေတာနိုင်ပြီး မိသားစု လုပ်လို့ရတဲ့ အလုပ်မျိုးလဲ ဖြစ်ပါတယ်။

ဒါကြောင့် လူတိုင်းက လုပ်နိုင်လိမ့်မယ် လို့ ထင်ပြီး စားသောက်ဆိုင် အသစ်တွေ နေ့စဉ် အလျှို အလျှို ပေါ်လာနေတာ ဖြစ်ပါတယ်။

...................ရင်ဆိုင်လာရမဲ့အချက်......................

လက်မလည်အောင် ရောင်းကောင်းနေတဲ့ စားသောက်ဆိုင်ဖြစ်စေကာမူ ပြသနာကတော့အနည်းနဲ့အများရှိနိင်ပါတယ်။ခေါင်းအေးအေးနဲ့ဖြေရှင်းဖို့ကအဓိကကျပါတယ်။ ဝင်ငွေကောင်းနေတိုင်း စိုပြေပြည့်စုံနေတာမဟုတ်ပါဘူး။ လာရောက်စားသောက်ကြသူများ ရဲ့ စဉ်ဆက်မပြတ် အားပေးမှုက သိပ်ကိုအရေးပါပါတယ်။ ကိုယ့်ဆိုင်ကို “မသိရာကနေ သိလာအောင်” လုပ်ရတာ ခက်ခဲခဲ့သလို ဆက်ပြီး ရှင်သန်နေအောင် တိုးတက်နေအောင် လုပ်ရတာ ပိုပြီး ခက်ခဲလှပါတယ်။စားသုံးသူတွေဟာ ကိုယ့်ဆိုင်ကို အစားအသောက်ကောင်းလို့ လာတာလား.. ဝန်ဆောင်မှုကောင်းလို့ လာတာလား ဆိုတာ သိဖို့ လိုပါတယ်။ ဝန်ဆောင်မှုကောင်းလို့ လာတာဆိုရင် ရေရှည်ရပ်တည်လို့ ရပါပြီ။ အစားအသောက်ကောင်း လို့ လာတာပါ ဝန်ဆောင်မှုကတော့ မလိုပါဘူးဆိုရင် အန္တရာယ် ရှိပါတယ်။ နောက်ရောက်လာမယ့် အစားအသောက်လဲကောင်း ဝန်ဆောင်မှုလဲကောင်း တဲ့ ပြိုင်ဖက် ဆီကို ကူးသွားနိင်ပါတယ်။

..........ကံကြမ္မာကပေးလာတဲ့သံပရာသီး..........

ဒီအချက်ကတော့လုပ်ငန်းတိုင်းကြုံနိင်ရတဲ့အခြေအနေပါ။ကိုယ့်ကို ပစ္စည်းပေးသွင်းနေတဲ့ သူတွေမှာလဲ ကိုယ့်ဖက်က သူ့ဆီကလိုနေတာ များပြီဆိုရင် သူ့ရဲ့ ပါဝါတက် လာပါတော့တယ်။ ကုန်ကြမ်း အချိန်မီမပို့တာ တို့ မှာသလောက်မရတာတို့.. ဆိုတဲ့ ပြသနာတွေ ရှိလာနိုင်ပါတယ်..။ ကိုယ့်ကြောင့် သူ့စီးပွား တက်လာတာ မှန်ပေမယ့် ကိုယ့်ရဲ့ ပြိုင်ဖက် ကလဲ ကိုယ်ကုန်ကြမ်း ဘယ်ကရနေတယ်ဆိုတဲ့ လမ်းကြောင်းကို အမြဲတန်းရှာနေတယ် ဆိုတာ မမေ့ပါနဲ့။ တချိန်ထဲမှာ ပဲ နောက်ထပ် ကြောက်စရာကောင်းတဲ့ Supplier Power တစ်ခုက နေရာငှားရမ်းခ ပါပဲ။ ကိုယ့်နေရာ က လူသိများပြီး ရောင်းကောင်းနေပြီ ဆိုရင် မျက်စောင်း ထိုးသူတွေ ရှိလာပါပြီ။ အဲဒီနေရာလေးကို ကိုယ့်ထက်ပိုပေးပြီး ငှားဖို့ ဝန်မလေး သလို ပိုင်ရှင်ကလဲ စျေးတက်တောင်းတာမျိုး ဖြစ်လာနိုင်ပါတယ်။ကိုယ်ကကြိုးစားပြီးစုဆောင်းကြိုးစားထားမှသာကံကြမ္မာကပေးလာတဲ့သံပရာသီးကခေါင်းမူးပြေစေတဲ့ဖျော်ရည်တစ်ခွက်သာသာဖြစ်သွားမှာပါ။

(အကြံအဉာဏ်ရယူရန်နှင့်ဝန်ဆောင်မူအသေးစိတ်ရယူရန်)

Contact Us☎+959-969-412669

#WaiYanHein #BusinessPlan #PositioningMap #BuildYourBrand #FeelTheProfits